Galatians 6
Ta'oxonu 'Ilixo Laixesi
1 aTa vivilo noxou Iesu, lexe ngingi ngelavusou vile noxinge mulapau no anu susu, la anu laixe lexe ngingi ane Uleenu Tavuna musaxila'inge ngalai ngasu'ulinu se'isisi sou ngalivunoxu. Ia ngalaxa'ingengi, loxo 'o io tovotovo uxali noxinge la ngalapau kalumo. 2 bMo anu laixe lexe ngatavulenu tu'umaxu noxinge ngatongato'o, xo no anu vote'i ane ne, la ngingi ngamulinu lapuloto noxou Kalisito laixe. 3Ia lexe itema vile uxavutala lexe anu muuliuli ia anu uuliuli uasi, la molu mu'oxo loloxu ane. 4Itema vilevilesi ne laixe lexe utilovosou xaixai noxou lexe mu'oxonu xaixai laixe xe u'oxonu laixe uasi. Lexe anu utilovosou xaixai noxou xe mu'oxo laixe, la sou anu umomomo sou utooxu no anu, ia utilovosou 'ilixo noxou noxi'a ane ane'i mose'i uasi. 5 cXo itema vilevilesi utavulenu tu'utu'umaxu sou xaixai noxou ulovo.6 dAloxo 'o, lexe itema vile uno'u lavulavu no anu vaikala noxou Lataua, la laixe sou umila'anu mimii mose'i lailaixe noxou ne ulai noxou tisa noxou.
7 eNgingi menge nga'oxo lolongenge mamu. Evile umomomo sou u'oxo loloxu Lataua uasisi mania. Itema vile utounu mii ma'ia no xaixu ne, la anu uno'u temanu mii ne u'isalili. 8Lexe itema vile umulimulinu masaxa sou vasimolu, la anu loxo anu utotou ane. Ia uxalixu nene'axu sou anu uno'u ne mamulosi. Ia lexe umulimulinu 'ili'ilixo no anu Uleenu Tavuna la loxo anu utotou ane. Xe ili'i sou uno'u temanu, la nene'axu ane Uleenu Tavuna ulosou mauli lailaixe utotomu mo kaluxu uasi. 9La sou anu laixe lexe nenge'a tatotosa sou ta'oxo'oxonu 'ili'ilixo lailaixe mamu. Xo loxo nenge tapaupauxe uasi la nenge tano'u temanu xai ne no anu voxo sou mu'isalili. 10Aloxo ne la sou lexe nenge texalisou taiinu sou ta'oxonu 'ilixo laixe noxi'a ta mitema ukalusi, la laixe sou ta'oxonu. Mo laixe lexe ta'oxonu maninasou ulai noxi'a ta mitema ane mimuxaxu tane'i noxou Tila.
Vaikala Vateteli Xe Vaikala sou 'Osa'ila
11Ngamaisou kaukavu toxotoxoxa'a no anu uoli voloxu 'o ne, eni melo ekaukavunu no avolo. 12Ngalomu, ta mitema e xavine'i, la ipalusinge sou lexe xooxoo ungasinge ne i'oxo lexe i'oxonu aloxo ne, xo imasaxa lexe ino'u uala tila no ie'i ta mitema. Ane'i i'oxonu aloxo ne xo tava'u aloxo 'o. Loxo 'o io ane'i imuxaxu tane'i no anu ovu valautu noxou Kalisito la ta mitema i'oxonu masuane'i. 13Ane'i e xooxoo mungasi'a ne ilavusou imulinu vote'i sou lapuloto laixe uasi, ia ane'i xavine'i sou lexe xooxoo ungasinge. Mo sou ane'i ino'u uala tila no anu mii ma'ia mi'oxonu noxinge ne. 14Ia eni a'itinu ualasilo xe itema vile ualasou uasi, ia laixe lexe a'itinu ovu valautu noxou Tila noxinge Iesu Kalisitosi. Xo no anu soli noxou no anu ovu valautu la 'ili'ilixo sou lialia 'o musoli no anu xavutalaxeni. Mo anu loxo eni kalumo a esoli no ovu valautu ne, la eni amomomo sou amulimulinu 'ili'ilixo no lialia 'o uasi. 15 fLa sou vaimomo 'o 'ilixo sou xooxoo ungasinge ne anu mii vitanisi xe xooxoo ungasinge uasi ne anu mii vitanisi kalumo. Ia mii mutila ane lexe nenge texali alavua. 16Eni akilaka lexe alauna mo opo se'isisi noxou Lataua uxolu noxi'a ane'i ta'ei e ilavusou imulinu lapuloto ane 'o. Ane'i ta mitema ane ne ane'i ta Isilaeli maninasou noxou Lataua.17 gIoxe sou akalusou vaivaikala noxilo la avikala aloxo 'o. Eni amasaxa sou itema vile ulosilo tu'umaxu la uasi. Ta mitema mivelo mo kulue tanitanixu a muxolu no vasimelo 'o, xo anu mumaxa'u lexe eni itema sou xaixai maninasou noxou Iesu. 18Ta vivilo noxou Iesu, eni akilaka lexe alauna noxou Tila noxinge Iesu Kalisito uxolu no anu ulengengi. Manina.
Copyright information for
ATA